数据

SundayFc07彩票ever︰一个愿望的超人-马启仁

入面,小朋友问咗大朋友一个问题,你有咩愿望呀?搞到好多大人都唔识答。

係喎,呢啲嘢好似真係小朋友专利。不过,戏中大朋友最后都讲出咗埋藏好耐嘅愿望,虽然通通都係睇嚟唔係好做得到嘅,但小朋友就听得好开心,原来愿望呢家嘢你够胆讲就已经赢咗一半。

大人世界嘅规限真係好多,譬如话做错嘢就千万咪认,撑得就撑,但难得最近有位球证畀咗黄牌之后,竟然主动向球员道歉。话说上个星期,哈化柏林嘅宾哈迪拉入波后,立即戴上事先预备嘅蜘蛛侠面具,向住镜头疯狂庆祝,结果就换来球证先生嘅一面黄牌!

完场之后,当全场球迷睇见宾哈迪拉拖住位八岁小朋友周围行嗰阵,先知道原来面具背后有个小故事。Jannik係哈化柏林嘅忠实球迷,因为癌病要接受化疗,所以佢要长住医院。

宾哈迪拉认识咗呢位生命力好强嘅小斗士,就每星期都去同佢一齐扮鬼扮马,两个最锺意就係扮唔同嘅superhero。有日,宾哈迪拉想邀请Jannik喺比赛日陪佢去球场。

好呀可以去球场,咁如果你入咗波,可唔可以扮埋蜘蛛侠呀!我好耐冇入波?喇。

你得嘅,你係超人嚟?!比赛二十一分钟,1:0,全场喝采,但有两个人尽在不言中。

当球证知道咗Jannik嘅故事之后,就send咗个短讯畀宾哈迪拉:根据球例,我係要畀黄牌你,但係你高尚嘅行为远远超越咗足球规则嘅界限,所以我要向你道歉,以及向Jannik致敬。普通人可以有一百个愿望,但对病人嚟讲愿望通常只有一个。

开心过后,治疗仍然要继续,相信Jannik呢位小超人,应该已经充满力量嘞。KEYMAN节目主持电邮:mailto:keymansoho@gmail

返回列表